Prácticas externas

As prácticas académicas externas constitúen unha actividade formativa realizada polo estudantado do Grao en Química en entidades externas á universidade.

O seu obxectivo é complementar e aplicar os coñecementos adquiridos na formación teórico-práctica en contextos reais de traballo mediante o contacto con profesionais do sector químico e favorecer a adquisición de competencias que os preparen para o exercicio profesional e faciliten a súa futura incorporación ao mundo laboral.
As prácticas académicas externas poden ser de dous tipos:

• Prácticas externas curriculares: son unha actividade académica integrada no plano de estudos do Grao en Química como unha materia optativa de 6 créditos ECTS ofertada no segundo cuadrimestre do último curso do grao.
• Prácticas externas extracurriculares: son aquelas que o estudantado poderá realizar con carácter voluntario durante o seu período de formación e que, aínda tendo os mesmos fins que as prácticas curriculares, non forman parte do correspondente plan de estudos. Con todo, serán contempladas no suplemento europeo ao título (SET) conforme determine a normativa vixente.

Normativa

As normativas de aplicación para as prácticas externas no Grao en Química son as seguintes:

• Normativa de prácticas externas do Grao en Química, aprobada en Xunta de Facultade o 26 de xullo de 2018.
• Resolucións reitorais do 21 de febreiro de 2013 que establecen o procedemento para a realización de prácticas académicas externas curriculares e extracurriculares na Universidade de Vigo.
• Regulamento de prácticas académicas externas do estudantado da Universidade de Vigo aprobado en Consello de Goberno o 24 de maio de 2012.
• Real Decreto 592/2014, do 11 de xullo, polo que se regulan as prácticas académicas externas do estudantado universitario.